எனக்கு சாதாரணமாக ஜெயமோகன், வெங்கட் சாமிநாதன் ஆகியோரின் எண்ணங்களோடு ஒத்துப் போகிறது.

ஜெயமோகனின் எழுத்துக்கள் பிரமிக்க வைக்கின்றன. நான் முதன்முதலாக படித்த அவருடைய புத்தகம் ஏழாம் உலகம். மனிதனின் குரூரத்தையும் அந்த குரூரம் அடிப்பவனுக்கும் அடிபடுவனுக்கும் காலம் செல்ல செல்ல உறைக்காமலே போய்விடும் மனநிலையையும், ஒரு புதிய களத்தையும் கண் முன்னால் கொண்டு வந்திருந்தார்.

வெங்கட் சாமிநாதனின் intellectual integrity அவரது எழுத்துக்களில் எப்போதுமே பிரகாசிக்கும். தரம் பார்த்து வாசகனுக்கு சொல்லும்போது எழுத்தாளரைப் பற்றி அவரது தனிப்பட்ட அபிப்ராயங்கள், சண்டை சச்சரவுகள், எந்த அரசியலும் இல்லாத கறாரான விமர்சனம். அவரது ரசனையும் என் ரசனையும் நிறைய ஒத்துப் போகும். (க.நா.சு.வுக்கும் இந்த நேர்மை உண்டு, ஆனால் க.நா.சு.வின் தேர்வுகளில் ஓரளவு எனக்கு தேறாமல் போய்விடுகிறது.)

வெ.சா. ஏழாம் உலகம் பற்றி விமர்சனம் எழுதி இருக்கிறார் என்று பார்த்ததும் ஆவலோடு படிக்கப் போனேன். ஆனால் எனக்கு ஏமாற்றம்தான் மிஞ்சியது. அவரது விமர்சனம் ஒரு சம்பிரதாய விமர்சனமாக இருக்கிறது. நான் எழுதுவது போல இருக்கிறது என்று வைத்துக் கொள்ளுங்களேன். 🙂 அவர் கொஞ்சம் தயக்கத்துடன்தான் – இந்த அரக்கத்தனத்தைப் பற்றி படிக்கத்தான் வேண்டுமா என்று ஒரு தயக்கம் – இதைப் படித்திருக்கிறார் என்று தோன்றுகிறது. மேலெழுந்தவாரியான விமர்சனம். அவரிடமிருந்து புதிய தரிசனம் எதுவும் கிடைக்கவில்லை.

தொகுக்கப்பட்ட பக்கம்: படிப்பு

தொடர்புள்ள பதிவுகள்:
தமிழ் ஹிந்து தளத்தில் வெ.சா.வின் ஏழாம் உலகம் விமர்சனம்
பக்சின் ஏழாம் உலகம் விமர்சனம்
ஏழாம் உலகம், ஸ்லம்டாக் மில்லியனர், நான் கடவுள்
ஜெயமோகனின் தளம்

Advertisements