இருபதாம் நூற்றாண்டின் தாக்கம் நிறைந்த பெண்கள்

டைம் பத்திரிகையின் இன்னொரு லிஸ்ட். இந்தியாவிலிருந்து இந்திரா காந்தி, மதர் தெரசா இரண்டு பேர்.

ஆச்சரியப்படுத்திய நல்ல தேர்வுகள்:

1. Silent Spring என்ற புத்தகத்தால் பசுமை இயக்கத்துக்கு (Green Movement) பெரிய உந்துதல் கொடுத்த ரேச்சல் கார்சன்
2. கருத்தடை பெண்கள் உரிமை என்று போராடிய, கருத்தடை மாத்திரை கண்டுபிடிக்க உந்துதலாக இருந்த மார்கரெட் சாங்கர்
3. புகழ் பெற்ற anthropologist மார்கரெட் மீட்
4. பெண்களின் உடை அலங்காரத்தை மாற்றிய கோகோ சானல் (பெல்பாட்டங்களைப் படைத்தவர் இவர்தானாம். சானல் நம்பர் ஃ பைவ் இவர் உருவாக்கிய வாசனை திரவியம்தானாம்)

ஆச்சரியப்படுத்திய (இவர்களால் என்ன மாறிவிட்டது?) தேர்வுகள்:

1. வாசனைத் திரவியங்களை உருவாக்கிய எஸ்டி லாடர்
2. பாடகிகள் அரேதா ஃபிராங்க்ளின், மடோனா
3. எழுத்தாளர் வர்ஜினியா வுல்ஃப் (நான் படித்ததில்லை)
4. மார்த்தா ஸ்டூவர்ட் (வீட்டுப் பொருள்களை வியாபாரம் செய்பவர்)
5. சமையல் கலை மாதிரி புத்தகம் எழுதிய ஜூலியா சைல்ட் (சமீபத்தில் வந்த ஜூல்ஸ் அண்ட் ஜூலியா படம் இவரை வைத்துதான்)

சம்பிரதாயத் தேர்வுகள்:

1. இந்திரா காந்தி
2. மதர் தெரசா
3. முன்னாள் இங்கிலாந்து பிரதமர் மார்கரெட் தாட்சர்
4. முன்னாள் இஸ்ரேல் அதிபர் கோல்டா மேயர்
5. முன்னாள் ஃபிலிப்பைன்ஸ் அதிபர் கோரஜான் அக்வினோ
6. ஹில்லரி கிளிண்டன்
7. தற்போதைய ஜெர்மனி அதிபர் ஏஞ்சலா மெர்கல்
8. மா-சே-துங்கின் மனைவியும், சீனாவில் பல ஆயிரம் பேர் இறப்பதற்கு காரணமாக இருந்த “கலாச்சாரப் புரட்சியின்” சிற்பியும் ஆன ஜியாங் க்விங் (நிழல் தலைவர்)
9. முன்னாள் அமெரிக்க அதிபர் ரூசவெல்டின் மனைவி எலியனார் ரூசவெல்ட் (நிழல் தலைவர்)
10. அமெரிக்க சுப்ரீம் கோர்ட் நீதிபதி சாண்ட்ரா டே ஓ’கானர்
11. பஸ்ஸில் வெள்ளையருக்கான சீட்டை விட்டு எழுந்திருக்கமாட்டேன் என்று உறுதியாக இருந்து அமெரிக்க கறுப்பர்களின் சமூக நீதிப் போராட்டத்துக்கு ஒரு symbolic வடிவம் கொடுத்த ரோசா பார்க்ஸ்
12. சமூக சேவைக்காக நோபல் பரிசு வென்ற ஜேன் ஆடம்ஸ்
13. டிவி ஸ்டார் ஓப்ரா வின்ஃப்ரே
14. விஞ்ஞானி மேரி க்யூரி

விட்டுப் போனவர்: பெண் உரிமைகளுக்கு போராடிய பத்திரிகையாளர் க்ளோரியா ஸ்டைனம். இவரைப் பற்றி அதிகம் தெரியவில்லை.